Requiem Viennense

Text: H. C. Artmann
Musik: SchrammelBach

Die Vertonung von H. C. Artmanns Requiem Viennense – sprich: a weanarische ruah – entstand und entsteht während der Wiener Corona-Quarantäne. Requiem Coronensis!

requiem

ka rua
ka rua
ka rua
gib eana ka rua
leicht eana ham
mit deina latean
daß blean
und rean
in wean

sei ned fäu
am zenträu
olle bana

unta d schdana
schdeck ins mäu
happ dein deu

ka rua
ka rua
ka rua
gib eana ka rua
leicht eana ham
mit deina latean
daß blean

dies irae

saf und oschn
s nutzt ka woschen
graus von hintn
graus von vuan
und an gachn
und an zuan
sacramentum in favilla
dies irae, dies illa

tuba mirum

heite schbün die letztn schrammen
duach die finstan gäng und kuchln
daß die foeschn beißaln scheppan
aus n heampa foen die rammen

duach die luft do saust a biachl
und die buchschdam die foen obe
druckaschwäaz dreibt oes aus d lecha
rotz, die foßt ka doschndiachl!

söbst die äagstn raunza guschn
schmähschdad sans und ohne aufdrog
schdengan do in fleckalbodschn
und haum nix mea zum vaduschn

rex tremendae

kan pardon
kan pardon
zinseszins und wochenlohn

recordare

jo, des woan hoet fesche zeitn
wia ma no an guidn gschepft haum
schnitzln, schdötzn, brodne antn
hauma mit vöslaua guaglt

jo, des woan hoet fesche zeitn
wo ma duli gschdödn madln
einezwickt haum in die wadln
oda viregricht die wadln

jo, des woan hoet fesche zeitn
wia die zeitn no gnua zeit ghobt
wia die zeitn no gnua zeit ghobt
und der ausgang noch in weiten …

confutatis

charon, laß dein ruderplätschern
wir, die uns vor zwetschgen bäumen
winden uns vor lethes schäumen
wenn zum aufbruch du uns winkest

lacrimosa

rean rean rean
blean blean blean
rean rean rean
blean blean blean
saf und oschn
s nutzt ka woschn
rean rean rean
blean blean blean

benedictus

wer kommt denn da
wer kommt denn da
wie ist doch gleich der namel
den kenn ich doch
den kenn ich doch
des is da neiche schrammel

agnus dei

jetzt samma
jetzt samma
jetzt samma aus n schneida
und wuaschtln
und wuaschtln
und wuaschtln wieda weida
jetzt samma
jetzt samma
jetzt samma aus n schneida
und wuaschtln
und wuaschtln
und wuaschtln wieda weida
jetzt samma
jetzt samma
jetzt samma aus n schneida
und wuaschtln
und wuaschtln
und wuaschtln wieda weida

Ein abschließender Link: H. C. Artmann und Gerhard Rühm rezitieren das Requiem Viennense im Originalton 1974